Sors: Facebook
Il-Ħamis 29 ta’ Mejju ġew mgħammdin żewġ adulti fis-Santwarju tal-Immakulata Kunċizzjoni, il-Qala. Dawn huma Paris Gabriella Armstrong mill-Qala u Dr Matthew Augustine Barry mix-Xagħra, it-tnejn oriġinarjament mill-Ingilterra. Huma ġew ippreparati minn Dun Michael Said u Mons. John Muscat rispettivament. Dawn ukoll se jirċievu l-Griżma tal-Isqof nhar is-Sibt 7 ta’ Ġunju fil-Velja Djoċesana ta’ Pentekoste li ħa ssir fuq iz-Zuntier tas-Santwarju Ta’ Pinu.
