Sors: Facebook
Il-kleru tad-Djoċesi ta’ Għawdex kellu mument ta’ formazzjoni permezz ta’ Seminar ta’ tlett ijiem li sar f’Dar Manresa mill-Ħamis 19 sas-Sibt 21 ta’ Frar, fin-nofstanhari ta’ filgħodu. Dan tmexxa mill-Arċisqof Mons. Vittorio Viola OFM, Segretarju tad-Dikasteru għall-Kult Divin u d-Dixxiplina tas-Sagramenti, li diġà kien hawn fostna s-sena l-oħra għall-istess tlett ijiem ta’ formazzjoni l-għada ta’ Ras ir-Randan. It-tema din is-sena kienet: “It-Tiġdid tal-Wegħdiet Saċerdotali”.
Monsinjur Viola fin-nofstanhari ta’ filgħaxija tal-Ħamis u l-Ġimgħa kellu laqgħat mar-reliġjużi, il-katekisti u l-membri tal-Kummissjoni Liturġika tad-Djoċesi.
