Sors: Facebook
Il-laqgħa għas-saċerdoti s-Sibt li għadda filgħodu fil-Knisja tar-Ragħaj it-Tajjeb, Taċ-Ċawla kienet iddur mat-tema tar-Rikonċiljazzjoni, fid-dawl tal-Pjan Pastorali 2023-2024. L-Isqof Anton għamel riflessjoni fuq ir-rikonċiljazzjoni tal-qassisin, u fuq kif jistgħu jkunu ta’ servizz ta’ rikonċiljazzjoni għan-nies. Dawk preżenti, inkluż ir-reliġjużi, inqasmu fi gruppi skont l-età, u qasmu riflessjonijiet personali fuq l-istess tema. Imbagħad l-Isqof ta punti mill-Pjan li jinvolvu l-qassisin direttament.
