Parti mill-ħidma tal-Uffiċċju Djakonija tad-Djoċesi ta’ Għawdex hi li jissensibilizza l-komunità Nisranija favur istituzzjonijiet li jaħdmu ma’ persuni vulnerabbli jew jiddependu ħafna mid-donazzjonijiet għall-ħidma tagħhom.
Barra minn hekk, l-istess Uffiċċju jara li meta jkun hemm emerġenzi internazzjonali, bħal fil-każ ta’ diżastri naturali jew kriżijiet umanitarji, il-komunità Nisranija twieġeb b’ġenerożità għall-għajnuna li tkun qed tintalab.
Matul is-sena 2025, id-Djoċesi ta’ Għawdex ġabret u qassmet €174,751.70 f’għajnuna lil istituzzjonijiet lokali u oħrajn, grazzi għall-ġenerożità tal-poplu Għawdxi.
L-għotjiet miġbura tqassmu hekk:
DATA | DESTINAZZJONI | AMMONT (€) |
|---|---|---|
01/01/2025 | Dar tal-Providenza | €40,200.00 |
22-23/02/2025 | Obolo ta’ San Pietru | €14,782.00 |
17/04/2025 | Fondo Clero (Ħamis ix-Xirka) | €18,300.61 |
31/05-01/06/2025 | Dar Arka | €16,059.03 |
13-14/09/2025 | Gaza | €55,749.23 |
15-16/11/2025 | Jum il-Karità (Caritas djoċesana) | €29,660.83 |
TOTAL | €174,751.70 |
Barra minn dawn, kien hemm ġabriet oħra li, bil-permess tad-Djoċesi, saru minn entitajiet oħra (fosthom is-Seminarju Maġġuri u Missio Malta), u li ċ-ċifri tagħhom ma humiex inklużi f’din il-lista.
st-02-2026-gbir-ghall-karita.pdf pdf · 118.51 KB Niżżel