Is-Seminarju Minuri tal-Qalb ta’ Ġesù joffri ambjent edukattiv li jfittex il-formazzjoni sħiħa tal-persuna, b’attenzjoni partikulari għall-iżvilupp uman, akkademiku, spiritwali u Nisrani tal-istudenti. Flimkien mal-edukazzjoni skolastika, l-istudenti jiġu megħjuna jikbru fil-fidi, fil-ħajja tat-talb, fir-relazzjoni tagħhom ma’ Kristu u fil-qadi tal-oħrajn.
Bħala Seminarju Minuri, l-iskola għandha wkoll dimensjoni vokazzjonali, billi toffri ambjent li fih dawk li jħossu sejħa għas-saċerdozju jistgħu jkollhom spazju biex jiddixxernuha u jakkumpanjawha. Fl-istess waqt, l-istudenti kollha jiġu mħeġġa jagħrfu u jgħixu l-vokazzjoni personali tagħhom bħala Nsara.
