Saint Dominic Home for the Elderly
Saint Dominic Home for the Elderly, fil-Belt Victoria, hija dar residenzjali għall-anzjani mmexxija mis-Sorijiet Dumnikani, b’kapaċità ta’ 27 resident. Id-Dar toffri ambjent sigur, dinjituż u ta’ kura lill-anzjani, filwaqt li tgħaqqad l-assistenza professjonali mal-ispirtu Nisrani ta’ servizz, rispett u mħabba lejn kull persuna.
Is-Sorijiet u l-ħaddiema jfittxu li jħarsu mhux biss lejn il-bżonnijiet fiżiċi u soċjali tar-residenti, iżda wkoll lejn il-benesseri emozzjonali u spiritwali tagħhom. Il-ħajja tad-Dar tinkludi preżenza u kura pastorali, mumenti ta’ talb u attivitajiet li jsaħħu s-sens ta’ komunità, il-kumpanija u l-kwalità tal-ħajja tar-residenti.
B’hekk, Saint Dominic Home tkompli tesprimi l-kariżma Dumnikana permezz ta’ servizz, talb u preżenza Nisranija, u tgħin lill-anzjani jgħixu din il-fażi tal-ħajja b’dinjità, serħan u tama.
