Il-Gozo Press hija waħda mill-aktar stamperiji stabbiliti f’Għawdex, bi rwol importanti fl-iżvilupp tal-industrija tal-istampar fuq il-gżira. Oriġinarjament l-Orphans Press, meta fl-1956 infetħet l-ewwel stamperija moderna f’Għawdex, kienet fost il-pijunieri li taw spinta ġdida lill-pubblikazzjoni ta’ kotba, rivisti, fuljetti, materjal pastorali u kummerċjali, u servizzi oħra ta’ stampar.
Fost l-aktar pubblikazzjonijiet magħrufa li ilhom jiġu stampati fil-Gozo Press hemm ir-Rivista djoċesana Il-Ħajja f’Għawdex, li sa mill-bidu tagħha ġiet stampata f’din l-istamperija.
